Me Max Allegrin punoi te Milani, duke ia dalë të fitonin së bashku titullin kampion.
Por, Antonio Cassano nuk e pëlqen aspak stilin e futbollit që praktikon trajneri i Juventusit.
Në shumë raste e ka kritikuar dhe është tallur me të.
Në prononcimin e fundit, ish-futbollisti i njohur italian theksoi: “Nuk kam pasur kurrë probleme me të, por pas kritikave që i kam bërë ai nuk më telefonon më. Juventusi nuk më ka magjepsur kurrë.
As për një sekondë, stili i tyre nuk përshtatet me idetë e mia të futbollit. Aventura ime te Juventusi do të zgjaste tri ditë. Do më blinin ditë e parë, do të më prezantonin në të dytën.
Në të tretën do të më nxirrnin jashtë me shkelma.
Ka një vit e gjysmë që Juventusi i Allegrit ma shpif. Ai ka mbetur dhjetë vite mbrapa, edhe pse ka skuadrën më të fortë të kampionatit”, theksoi Cassano.
