Interi ka humbur vetëm një nga 13 ndeshjet e fundit të Serisë A (9 fitore, 3 barazime) kundër Leçes: 1-0, me një gol nga Xhakomaci më 29 janar 2012.
Interi i ka fituar të teta ndeshjet e fundit në shtëpi kundër Leçes në Serinë A, duke shënuar mesatarisht 2.5 gola për ndeshje (20 gola të shënuar në total).
Leçe ka fituar dy ndeshjet e fundit jashtë fushe kundër kundërshtarëve nga Lombardia për herë të parë në Serinë A. Për më tepër, skuadra puljeze barazoi në ndeshjen e fundit të kampionatit të luajtur në “San Siro” (2-2 kundër Milanit më 20 tetor 2019) dhe mund të mbetet e pamposhtur në dy ndeshje radhazi në këtë stadium për herë të parë që nga viti 2000 (2-2 kundër Milanit dhe 1-0 kundër Interit).
Interi ka humbur 7 nga 24 ndeshjet e para të kampionatit për herë të parë që nga 2016-2017 (një sezon të cilin e mbylli në vendin e shtatë), ndërsa hera e fundit që zikaltrit pësuan më shumë humbje në 25 ndeshjet e para ishte në 2014-2015 (8).
Pas sukseseve kundër Kremonezes dhe Atalantës, Leçe mund të fitojë tri ndeshje radhazi në transfertë për herë të dytë në historinë e saj në Serinë A. Hera e fundit daton në shkurt 2004, kur arritën katër fitore radhazi me Delio Rosin në stol.
Romelu Lukaku (2 gola në 3 ndeshje në Serinë A kundër Leçes) është në kuotën e 49 golave në kampionat për Interin dhe mund të bëhet lojtari i katërt që shënon të paktën 50 gola në Angli dhe Serinë A, pas Xhanfranko Zolës, Edin Xhekos dhe Kristiano Ronaldos.
