Everton nuk arriti të kthehet te fitorja, ndonëse kaloi dy herë në avantazh në transfertën ndaj Nottingham Forest.
“Toffees” dolën me një pikë nga ky takim, falë barazimit 2-2, duke mbetur sërish në zonën e ftohtë të renditjes.
Gray në minutën e 10’ dhe Doucoure në të 29-ën kaluan dy herë në avantazh skuadrën e drejtuar nga trajneri Dyche, ndërsa vendasit u kundërpërgjigjën me anë të Johnson në të 19-ën dhe 77-ën.
Pas këtij takimi, Nottingham Forest mbetet në vendin e 14 me 26 pikë, ndërsa Evertoni shkon në vendin e 18 me 22 pikë, duke qenë ende në vorbullën e skuadrave që luftojnë për mbijetesë.
