Trajneri i Bayern Munich, Julian Nagelsmann është shprehur i lumtur me fitoren dhe paraqitjen e të besuarve të tij në duel me PSG-n.
‘Bavarezët’ mbrëmë mposhtën parisienët (2-0), duke siguruar kualifikimin në çerekfinalet e Ligës së Kampionëve.
Tekniku gjerman thotë nëse skuadra e tij vazhdon të luajë kështu mund të arrihet objektivi.
“Gjithçka varet nga mënyra sesi sillemi, nëse luajmë kështu mund të arrijmë qëllimin.
Megjithatë ka shumë skuadra që mund të na vënë në vështirësi”, tha ai.
Në pjesën e parë nuk luajtëm mirë, sepse lamë shumë hapësira.
Në pjesën e dytë u mbrojtëm më mirë dhe ishim të rrezikshëm me topin.
Në fund e merituam fitoren”, theksoi Nagelsmann.
