Vazhdojn rrugën e fitoreve edhe në pranverë, teksa në ndeshjen e vlefshme të javës së 19-të të Maqedonisë së Veriut, me rezultatin minimal 1:0 mundën Besën e Dobërdollit.
Kjo fitore fiton në peshë, pasi e arritën ndaj një kundërshtari shumë të mirë, ndërsa të njëjtën e siguroi Albin Ramadani me golin e realizuar në minutën e 24-të.
Edhe pas këtij goli, skuadra vazhdoi me ritmin e njëjtë, duke kërkuar golin e radhës, mirëpo i njëjti nuk erdhi gjatë pjesës së parë, përkundër disa tentativave të futbollistëve, si: Behar Fetahi, Albin Ramadani dhe Ujkan Muça.
Ky i fundit gjatë pjesës së dytë kishte rastin më të mirë për të dyfishuar rezultatin, mirëpo edhe pse arriti të tejkalojë portierin kundërshtarë, nuk arriti të shënojë në rrjetën e zbrazët, me ç’rast në fund duheshe ti gëzohen golit të shënuar në pjesën e parë nga ana e Ramadanit, që siguroi edhe 3 pikët e radhës.
Pas 19 xhirove, F.C Voska Sport vazhdon të mbajë pozitën e parë me 46 pikë në ligën e dytë, po aq sa ka edhe #Vardari në pozitën e dytë, derisa në pozitën e tretë me 44 pikë renditet Gostivari.
Pikërisht kjo skuadër do të jetë kundërshtari i radhës, ndeshje kjo që në program është me datë 11 mars në stadiumin “Burimet e Biljanës” në Ohër.
