Ukrainasi Mykhail Mudryk u transferua nga Shakhtar Donetsk te “gjigandët” e Chelsea, në merkaton e dimrit, për plot 100 milionë euro e teksa ka regjistruar disa performanca për “blutë” ende nuk ka ardhur goli i debutimit.
Mirëpo, kjo gjë nuk e “tremb” teknikun Graham Potter, i cili ka tepër besim te ukrainasi, i cili ka qënë kyç në të dyja fitoret e fundit të “bluve” teksa ka hyrë në fushën e lojës në pjesën e dytë si zëvendësues.
“Sigurisht, ne planifikojmë t’i japim Mudrykut kohë për të luajtur.
Ne kemi shumë besim tek ai.
Ai përshtatet me situatën e re.
Në momentin e mbërritjes së tij, ai në fakt kishte fillimin e parasezonit.
Të hysh në Premier League nuk është e lehtë”,- është shprehur tekniku i Chelsea.
