Ish-presidenti i UEFA-s, Mishel Platini ka përjashtuar kandidaturën e tij për president të Federatës Franceze të Futbollit dhe vlerëson punën e ish-drejtuesit të FFF-së, i cili ka dhënë dorëheqjen nga posti i tij.
“Nuk do të kandidoj për presidentin e FFF-së. Korrikun e kaluar thashë që nuk do të jem më kurrë pjesë e institucioneve të futbollit.
Më duket se Federata Franceze është institucion futbolli, ndaj vendimi im është i qartë”,- tha Platini duke folur ekskluzivisht në ‘Rothen S’enflamme’ në RMC Sport.
Ndërkohë, legjenda e futbollit francez foli edhe për largimin e ish-presidentit Noel Le Graet nga Federata Franceze e Futbollit.
“Nuk kam qenë kurrë një fans i madh i Noel Le Graet, por mendoj se ai do të hyjë në historinë e futbollit francez si një president i shkëlqyer, që ka bërë shumë për futbollin.
Ai ka bërë gjëra të jashtëzakonshme, nuk duhet të harrojmë gjithçka”, përfundoi ai.
