Gerard Pique beson në pafajësinë e Barçës, teksa akuzohet për blerje arbitrash, pas skandalit “Negreira”.
Ish-lojtari katalanas nënvizon me siguri: “Po, e vë dorën në zjarr, sepse Barça nuk i ka paguar kurrë arbitrat.
Nëse do të blesh një arbitr, është aq e lehtë, mjafton t’i japësh një zarf me ngjyrë të zezë.
Nuk ke pse shkon deri te një zv.president i Komitetit Teknik të Arbitrave, i bie më shkurt se kaq. Nuk kanë asnjë logjikë akuzat e ngritura ndaj barcelonës. Tashmë jemi mësuar me komplote dhe fushata…”
Rasti “Negreira” iu ka shërbyer gjithashtu disa sektorëve për të përfituar e marrë një pjesë të meritave për sukseset e arritura gjatë dy dekadave të fundit te Barça. Mirëpo, Gerard Pique nuk është i gatshëm ta bëjë pis një epokë të tillë të artë:
“Nuk mund ta njollosë askush dhe asnjë akuzë, sepse është një epokë e artë.
Atyre që kanë smirë nuk iu intereson më ajo që fituam, por si fituam.
Nëse duan, mund të rishikojnë gjithçka.
Ne ishim shumë, shumë superiorë, nuk u varëm nga arbitrat.
Unë nuk do të vazhdoja me asgjë tjetër, por është e vërtetë që prokuroria është e përfshirë.
Sidoqoftë, unë i besoj klubit”.
I pyetur nëse e njihte personalisht Negreira apo djalin e tij, Pique mohoi çdo kontakt dhe tha: “Ne nuk dinim asgjë. M
endoj se këto raporte janë më shumë për trajnerin dhe drejtuesit
Lojtarët tashmë i njohin gjyqtarët. Lojtarët që vijnë nga jashtë vendit kanë nevojë për ndihmë për të ditur profilin e secilit gjyqtar.
Që këtu e tutje, si lojtarë nuk kishim asnjë informacion”.
Së fundi, në lidhje me qëndrimin e Real Madridit për t’iu bashkuar akuzave, ish-futbollisti i Barçës e kuptoi pozicionin e klubit të bardhë, veçanërisht pasi e gjithë La Liga dhe tifozët e saj reaguan të irrituar: “Të gjitha klubet, përveç Real Madridit, ishin kthyer kundër Barçës. Real Madridi ishte i vetmi që nuk e bëri”.
