Trajneri i Bylisit, Naxhi Shensoj, deklaroi sot pas barazimit 1-1 se skuadra e tij e kishte merituar më shumë një fitore ndaj Tiranës.
“Kemi merituar më shumë pikë në këtë periudhë. Jo vetëm sot ndaj Tiranës, por edhe në ndeshje të tjera kemi luajtur mirë.
Na ka munguar edhe fati, sepse u ndëshkuam në minutat e fundit.
Kasapi jeton për të pasur mish, por bagëtia do të jetojë.
Edhe kasapi fitoi mishin sot, edhe bagëtia ka të drejtë të jetojë.
Do të ishim të kënaqur më shumë edhe ne si bagëtia që të marrim tre pikë dhe të vazhdonim të jetonim dhe kasapi të mbetej pa mish. Por fati e ndihmoi Tiranën.
E merituam plotësisht trepikëshin.
Po të vinin skautë ndërkombëtarë të shihnin ndeshjen sot, nuk do ta besonin se cila skuadër lufton për vendin e parë dhe cila për mbijetesë.
Sidomos në pjesën e parë kemi dominuar totalisht, se vetëm një goditje kishte Tirana nga 22 metra dhe e kapi Teqja, por asgjë tjetër nuk mundi të krijonte.
Ndërsa ne kishsm mundësi të paktën për 3-4 gola.
Ishte një faull ndaj Eskerdinjës e nuk u pa në VAR, të ishte kundër do ia jepnin 100% Tiranës penallti. OK, është jashtë zonës, faull është.
Në çdo vend të botës ky është faull, por edhe Ena Jorgji si arbitër i FIFA-s ka të drejtë të bëjë gabime, edhe lojtarët e trajnerët.
Me Kukësin kemi pasur mbledhje me lojtarët. Nuk ndahem unë nga lojtarët se është karakteri im si trajner.
E pësuam nga goditjet standarte, vetëm Tirana na ka bërë gol me aksion. Jam i kënaqur me pjesën e parë, jam i kënaqur në pjesën e dytë deri diku. Nuk po na ecën, nuk e meritonim, meritonim më shumë ne të fitonim.
Tirana fitoi pikë sot, por Bylisi humbi pikë të vlefshme. Do vazhdojmë deri në fund, kemi edhe 10 ndeshje, jemi në situatë të vështirë.
Por nëse vazhdojmë kështu e përmirësojmë gabimet, kthehet edhe fati e loja që zhvillojmë, do të na reflektohet në rezultat.
Humbja e vetëbesimit është arsyeja pse bëjmë këto gabime në mbrojtje.
Por goli nuk erdhi për meritë të Tiranës, sesa një mungesë përqendrimi i mbrojtësve tanë”, ishin fjalët e Shensojt
