Pas diskutimeve të nxehta në Kampionatin Botëror që u mbajt në Katar për shiritin e kapitenit të ‘One Love’, Granit Xhaka do të mbajë sërish shiritin tradicional të shtunën në Novi Sad.
Përveç kryqit zviceran, në pëlhurë janë të shtypura edhe datat e lojës.
Ndeshja e së shtunës do të luhet në stadiumin “Karagjorgje” të Novi Sadit, shtëpia e klubit të futbollit Vojvodina.
Stadiumi, me shtegun e atletikës, është ndërtuar në vitin 1924.
Megjithatë, fusha nuk thuhet të jetë në gjendjen më të mirë.
Problemi nuk është siguria, por fusha, thotë një zyrtar serb i UEFA-s me buzëqeshje për mediumin zviceran “Blick”.
“Amdouni për Shaqirin?
Xherdan Shaqiri mungon kundër Bjellorusisë dhe Izraelit për shkak të lëndimit.
Kush do të zëvendësojë lojtarin e kombëtares zvicerane që ka veshur 112 herë fanellën e saj?
Fabian Rieder? Renato Steffen apo Zeki Amdouni? Nëse shkoni me numrin e fanellës, do të ishte Amdouni. Sulmuesi i Baselit ka veshur 23-shin e Shaqirit”, shkruan mes të tjera “Blick”.
Ndeshja e së shtunës do të zhvillohet pa tifozë, gjë që të kujton pandeminë e korona virusit, kur ndeshje të ndryshme luheshin përballë ulëseve bosh. Megjithatë, yjet e Zvicrës nuk kanë asnjë problem motivimi. Silvan Widmer thotë: “Është një ndeshje ndërkombëtare dhe një lojë kualifikuese për Kampionatin Evropian. Jemi të motivuar”.
