Mediat e huaja kanë nisur t’i japin jehonë të madhe pikës që e mori Andorra në Prishtinë.
Kombëtarja e Kosovës nuk arriti më shumë se një barazim me një Kombëtare të pafuqishme.
E njëri prej mediumeve më të njohur në botë të futbollit “Goal.com” ia ka kushtuar një shkrim kësaj arritjeje të madhe të Andorrës, e cila rrallë merr pikë kudo që luan.
“Impresionon Andorra: 11 në Kosovë për një skuadër që humb (thuajse) gjithmonë”, është titulli i këtij mediumi.
“Andorra barazoi në Kosovë dhe e bëri një impresionimi të vogël: e regjistroi barazimin e dytë në gjashtë ndeshje dhe i dha fund një serie të gjatë të humbjeve.
Kjo Kombëtare njihet për një seri të zezë prej 56 humbjesh nga 56 ndeshje kualifikuese. Skuadra nga principata e vogël nuk ka fituar ndeshje që nga viti 2019.
Kësaj, radhe, e nxori një pikë ndaj një skuadre shumë më të fortë, e cila e ka një lojtar si Vedat Muriqi”, shkruan tutje “Goal”.
