Drita e ka mposhtur 3-0 Drenicën në kuadër të javës së 27-të në Albi Mall Superligën e Kosovës.
Pas ndeshjes, trajneri Arsim Thaçi ka thënë se ishte një fitore shumë e rëndësishme për ta për të vazhduar në garën për titull.
“E kemi vlerësuar Drenicën, duke ditur që është në pozitën e fundit dhe nuk ka çka të humb. Në pjesën e dytë krijuam shumë shanse”, ka thënë fillimisht ai.
“Është fitore me rëndësi që na mban në pozitën e parë.
Te ekipet si Drita duhet të punosh si në fazën e sulmit ashtu edhe në mbrojtje.
“Kujdes të veçantë i kushtojmë edhe ndaljes së sulmit të kundërshtarit. Na ka takuar edhe qarkullimi i topit dhe krijimi i rastit”.
“I uroj lojtarët për paraqitjen. Edhe me Trepçën ’89 kërkojmë fitoren për të vazhduar garën për titull”, ka vazhduar Thaçi.
