Në mbrëmjen e së dielës, Chelsea njoftoi se ka shkarkuar trajnerin Graham Potter, pas vetëm 7 muajve bashkëpunim.
Ky vendim erdhi pas rezultateve negative të trajnerit, derisa ndeshja e fundit në krye të londinezëve ishte ajo e së shtunës ndaj Aston Villa, që e humbën 0-2.
Potter udhëhoqi Chelsea në 31 ndeshje, duke regjistruar 12 fitore, 11 humbje dhe 8 barazime.
Në këto takime, ekipi i tij shënoi 33 gola, ndërsa pranoi 31.
Përqindja e ndeshjeve të fituara është 39%, që është më e vogla se cilido trajner i mëparshëm i Chelsea në shekullin 21.
