Ferrero i ofron një post Del Pieros!
Ish-kapiteni dhe numri 10-të i Juventusit, Alesandro del Piero, gjithmonë një ikonë shumë e dashur nga tifozët e “Zonjës së Vjetër”, mund të rikthehet në klubin e tij të zemrës si një drejtues në të ardhmen.
Lajmin e zbulon gazeta “Corriere della Sera”, e cila thekson se presidenti Ferrero kishte menduar për t’i ofruar ish-lojtarit një rol alla “Nedved”, një pozicion që “Pinturiçhio” nuk do ta pranonte.
Del Piero, në fakt, do të donte të kishte një rol operacional te Juventusi dhe të ndikonte në zgjedhjet teknike të klubit.
Me pak fjalë, marrëveshja për rikthimin e Aleksit do të ishte ende larg, pavarësisht vullnetit të të dyja palëve për të pasur një bashkëpunim pas tërmetit administrativ që po përjeton klubi. Ish-kapiteni e ka shprehur gjithnjë dëshirën për t’u rikthyer në klub për të dhënë ndihmesën me përvojën e tij.
