Barcelona dhe Reali i Madridit do të përballen me njëri-tjetrin këtë të mërkurë në “Camp Nou” (21:00) në një “Clasico” të ri të futbollit spanjoll, këtë herë në ndeshjen e dytë gjysmëfinale të “Copa del Rey”.
Barça ka fituar 0-1 takimin e parë në Madrid dhe vjen si favorite për të siguruar një biletë për në finalen e majit. Kjo do të jetë përballja e 38-të mes Barçës dhe Realit në Kupën e Mbretit.
Bilanci në takimet kualifikuese është në favor të Barcelonës, e cila është kualifikuar në 8 nga 14 përballjet me eliminim ndaj Realit në Kupë.
Në 6 raste të tjera ka qenë Reali që ka shkuar më tej.
Për sa u përket finaleve të luajtura, gjithsej shtatë, Madridi del më mirë (4 fitore) se Barcelona (3 fitore).
Dy herët e fundit që janë takuar në ndeshjen vendimtare, të dyja në “Mestalla” (Valencia), fitorja i ka shkuar Realit të Madridit.