Skuadra Struga Trim Lum është në prag të kualifikimit historik drejt finales, ndërsa pengesa e fundit është skuadra e Sileksit, me të cilën do të përballet në gjysmëfinale të Kupës së Maqedonisë.
Skuadra strugane, dy herë ka mundur oponentin e sotshëm, me rezultat identik 2:1.
Për trajnerin Shpëtim Duro kjo përballje është mjaft e rëndësishme.
“Patjetër është një ndeshje shumë e rëndësishme sepse jemi në gjysmëfinale dhe vetëm me një ndeshje mund të shkojmë në finale, që njëherit është edhe objektivi i skuadrës, edhe pse siç dihet, neve jemi në garë edhe për titullin e kampionit.
Është një ndeshje e denjtë, sepse përderisa jemi në gjysmëfinale, atëherë lirisht mund të thuhet se që të dyja skuadrat janë shumë të forta, thë në fillim Duro.
“Nuk besoj që ka shumë favore, megjithatë unë konsideroj se ndeshjet e këtilla janë si brenda dhe jashtë”.
Ndeshje të këtilla keni zhvilluar shumë gjatë karrierës….
“Në karrierën time kam zhvilluar jashtëzakonisht shumë ndeshje të rëndësishme dhe të vështira në një stadium të mbushur me 20 mijë veta.
Patjetër edhe kjo është ndeshje e rëndësishme, por neve jemi përgatitur për këtë ndeshje me mjaft qetësi, pasi edhe vetë klubi është i ndërtuar me njerëz të qetë dhe shumë professional,” tha në fund Shpëtim Duro.
Ndeshja Struga Trim Lum- Sileksi, zhvillohet (të mërkurën, 5 prill) në stadiumin në Strugë në orën 15.00.
