Forma e dobët që ka shfaqur Liverpuli në këtë sezon ka tensionuar edhe Jurgen Klopp.
Trajneri gjerman është shfaqur si rrallëherë polemizues me gazetarët duke mos e përmbajtur veten në konferencë për shtyp.
Sot, ai ishte i pakënaqur me pyetjet që i bëheshin nga salla dhe reagoi në mënyrë të papritur për shumëkënd.
“E kuptoj që nga pikëpamja juaj është e vështirë që të gjesh pyetje të reja çdo javë.
Por është edhe më e vështirë që të gjesh përgjigje të reja”, ishin fjalët e trajnerit, i pakënaqur që pyetej pse kishte bërë rotacion në radhët e skuadrës së tij në ndeshjet e fundit.
“Kemi humbur një ndeshje ndaj Sitit që ndikon fizikisht dhe nga pikëpamja e paraqitjes së lojtarëve. Si mund të presësh që të përgjigjem duke thënë:
“Dy zëvendësime për këtë arsye, dy zëvendësime për këtë arsyen tjetër”.
Kjo është një humbje kohe”, tha trajneri dukshëm i pakënaqur me dialogun me gazetarët sot.
