Ardit Deliu prish planet e Orges Shehit. Lojtari vazhdon të ketë dhimbje në kofshë dhe në këto kushte mesfushori me shumë mundësi humb sfidën me Kukësin.
Ai ka një shqetësim që prej miqësores me Vorën, i cili e la jashtë takimit edhe me Erzenin.
Për sa i përket formacionit, Bekaj do të luajë në portë, më pas në mbrojtje Najdovski, Lulaj, Përgjoni dhe Toshevski.
Në mesfushë treshja e zakonshme Aleksi, Hila që zëvendëson Deliun, si dhe Lushkja. Në sulm mund të kemi surprizën e madhe.
Hasani dhe Haxhiu do të luajnë nga krahët, ndërsa sulmues i parë do të jetë Kristal Abazaj. Lojtari ka qenë titullar me Erzenin dhe do të vazhdojë të luajë në këtë pozicion edhe në javët e mbetura të sezonit.
