Siç raporton gazeta britanike Telegraph, Arne Slot është një nga kandidatët e rinj për stolin e Tottenham Hotspur për sezonin e ardhshëm.
Një lajm jo befasues duke pasur parasysh punën e tij të shkëlqyer në Feyenoord këtë sezon.
Skuadra e Londrës kërkon një trajner të ri që mund të ndërtojë një projekt të aftë për ta rikthyer skuadrën në mesin e më të mirëve në Premier League.
Arne Slot është një nga zbulimet më të mëdha të sezonit në futbollin evropian.
Feyenoord është lider i Eredivisie me 64 pikë (tetë pikë mbi Ajax dhe PSV) dhe do të luajë çerekfinalet e UEFA Europa League kundër Romës së Jose Mourinhos.
Një vit më parë ai udhëhoqi skuadrën në finalen e Ligës së Konferencës që u zhvillua në Tiranë.
