Vetëm matematika pengon Barcelonën të festojë për titullin kampion në La Liga.
I vetdijshëm për këtë fakt është shfaqur në konferencën përpara ndeshjes me Gironën, trajneri Xavi Hernandez.
Ai shprehet se Barcelona i ka merituar këto rezultate dhe triumfi në kampionat është thjeshtë produkt i punës.
“Për ne është një kampionat i jashtëzakonshëm.
Është kompeticioni më i drejtë sepse vlerëson punën e të gjithë sezonit. Kemi pesë Champions në histori dhe sigurisht kërkohen të tjerë trofe europianë, por triumfi në kampionat të dhuron stabilitet.
Duhet t’i japim vlerë asaj që po bëjmë sepse po fitojmë kundër një rivali shumë të fortë si Real Madrid. Duhet të kujtojmë se nga vijmë dhe sezonin që zhvilluam vitin e kaluar.
Përballë kemi një klub “zotëri” si Real Madrid që është kampioni në fuqi i LaLiga dhe Championsit.
Kjo i jep suksesit përmasa edhe më të mëdha. Gjithesi, të qëndrojmë me “këmbë në tokë” sepse festën do ta bëjmë në momentin që titulli do të jetë i siguruar”, deklaroi Xavi.
