Dje paradite Partizani kreu stërvitjen e radhës në kuadër të përgatitjeve për ndeshjen e së dielës ndaj Laçit.
Të kuqtë vijojnë të kenë mungesa të rëndësishme në stërvitje.
Maget, i cili ka rezultuar efikas në skemën me tre mbrojtës, vijon të mos stërvitet me ekipin, teksa e njëjta gjë ka ndodhur edhe me Carën, i cili ka pësuar një goditje në gju dhe vijon të ndiejë shqetësime.
Mbetet të shihet gjendja e tij sot, por koha premton pak që kavajasi të kthehet për ndeshjen me Laçin. Mungesa e tij është shumë e rëndësishme, pasi në javët e fundit po bënte shumë mirë si sulmues krahu.
Ndërkohë, Atanaskoski dhe Telushi janë në rrugë të mbarë për t’u rikuperuar për kurbinasit.
