Trepça ’89 ka mposhtur Llapin me rikthim me rezultat 2:1 në një ndeshje spetakolare.
Trajneri i Trepçës ’89, Shpëtim Idrizi mori fitore të madhe ndaj Llapit.
Ai me Trepçën ’89 sivjet po luftojnë për mbetje në elitën e futbollit të Kosovës, por me pikët e plota ndaj llapjanëve, mund të ndihen më komod në javët në vijim.
“Padyshim që kjo fitore e ka peshën e vetë duke e parë gjendjen momentale.
Pika ndaj Dritës në xhiron e kaluar i ka dhënë shumë motivim gjithë ekipit.
Sot u paraqitëm jo edhe shumë mirë pasi morëm një gol naiv”.
“Megjithatë, ndryshimet në pjesën e dytë dolën të qëlluara, reaguam mirë dhe realizuam dy gola.
Morëm tri pikë të mëdha ndaj Llapit”, është shprehur Idrizi.
