Real Madrid ballafaqohet sot në ndeshjen e dytë çerekfinale të Champions League ndaj Chelsea.
Në konferencën për shtyp para ndeshjes, gazetarët kanë pyetur trajnerin e spanjollëve, Carlo Ancelotti, për Jude Bellingham i cili është përfolur për mundësinë e transferimit tek Real.
“Fatkeqsisht Bellingham është lojtar i Borussia Dortmund, nuk dua që të flas për lojtarët e klubeve të tjera. Më vjen keq, por nuk kam koment”, tha Ancelotti.
Jude Bellingham ka kontratë me Dortmund deri në vitin 2025 derisa vlera e tij në treg aktualisht llogaritet të jetë 120 milionë euro.
