Duket se i ka idetë e qarta mesfushori i Milanit, Rade Kruniç, në lidhje me skuadrën me të cilën do të donte të përballej në gjysmëfinalet e Champions League, ku kuqezinjtë janë kualifikuar pas përballjes së dyfishtë me Napoli-n.
Nëpërmjet kanaleve zyrtare të klubit mialnez, lojtari ka komentuar kualifikimin e arritur nga ekipi i tij duke i hedhur një shikim edhe sfidave të ardhshme:
“Sigurisht është një arritje e madhe për të gjithë ne.
Puna që kemi bërë në vitet e fundit ka qenë shumë e mirë, kemi ecur përpara të gjithë bashkë”, ka thënë mesfushori.
“Megjithatë, nuk duam të ndalemi.
Kemi dhënë gjithçka në fushën e lojës, shikojmë përpara dhe presim të njihemi me kundërshtarin e gjysmëfinales”, ka shtuar Krunic.
Në lidhje me ndeshjen kundër Napoli-t: “Prisja me padurim ta luaja këtë ndeshje, pritja ishte e vështirë.
Për ndeshje të ktij niveli luajmë futboll dhe stërvitemi çdo ditë.
Natyrisht më pas jemi më të lumtur nëse kualifikohemi”.
Një koment edhe në lidhje me kundërshtarin që do të donte në gjysmëfinale: “Unë kam thënë gjithmonë se preferoj të përballem në Europë me skuadra që nuk ndeshem në Itali. Ne jemi të vetëdijshëm për cilësitë tona dhe presim me padurim ta luajmë gjysmëfinalen”.
