Europa League ka mësuar sot katër skuadrat gjysmëfinaliste të aktivitetit që sheh ekipe shumë interesante në garë.
Në lojë janë italianët e Juventusit dhe Romës, rekordmenët e Seviljes di dhe surpriza gjermane e Bajer Leverkusen.
Një gjysmëfinale do të jetë ajo mes Juventusit dhe Sevillës, me italianët që cilësohen favoritë, por kanë përballë specialistët e turneut që kanë fituar 6 herë këtë trofe.
Juventusi luan në fushën e vet ndeshjen e parë, teksa kthimi zhvillohet në Spanjë.
Në duelin tjetër, Roma do të jetë pritëse në ndeshjen e parë ndaj Bajer Leverkusen.
Kjo e fundit, në drejtimin e Çabi Alonsos, ka kaluar nga një skuadër që po luftonte për mbijetesë në Bundesligë, në pretendente për një torfe europian.
Ndeshjet e para të fazës gjysmëfinale të turneut do të luhen më datë 11 maj, ndërsa ndeshjet e kthimit më datë 18 maj.
GJYSMËFINALET
11-18.05.2023
Juventus-Sevilla
Roma-Bajer Leverkusen
