Klubi anglez, Tottenham është gati t’ia besoj kreun e bankinës gjermanit Julian Nagelsmann.
‘Spurs’ janë në kërkim të zëvendësuesit të Antonio Conte, i cili ditë më parë është shkarkuar nga detyra e trajnerit të skuadrës.
Ndërkohë, edhe tekniku gjerman pak javë më parë ishte shkarkuar nga Bayern Munich, por duket se Nagelsmann shumë shpejt do t’i kthehet zejes së tij.
Tek ‘Spurs’ sipas medieve britanike, janë të bindur se Nagelsmann do të marrë drejtimin e skuadrës.
Ish-trajneri i Bayern Munichut duket se është jashtë garës për postin e Chelseat, pasi thuhet se Mauricio Pochettino do të marrë ‘timonin’ e londinezëve.
Sipas ‘Independent’, Nageslmann dëshiron të punojë tek ‘Spurs’ dhe gjermani beson se të ketë sukses.
Megjithatë, siç thuhet, ai kërkon më shumë kontroll në klub, jo vetëm për sa i përket stafit që do të sjell, por edhe për transferimet e lojtarëve.
