Barcelona ka shpërdoruar një tjetër mundësi për të thelluar diferencën me Realin e Madridit dhe për t’u afruar me titullin në La Liga pas humbjes kundër Vallecanos në Madrid.
Një humbje që e ka lënë të pakënaqur trajnerin Çavi, që priste shumë me tepër nga ajo çfarë ka parë t’i dhurojë skuadra e vet në fushë.
Duke analizuar humbjen në Vallecano, numri një stolit të Barcelonës ka thënë:
“Natyrisht që nuk mund të jem i kënaqur me paraqitjen dhe me rezultatin. Nuk është e para e herë që nuk dimë të përfitojmë nga gabimet e kundërshtarëve tanë.
Me humbjen e Realit, kjo ishte një mundësi më shumë për ne për të hedhur një tjetër hap drejt objektivit. Por për fat të keq kemi gabuar sërish”, nënvizoi Xavi.
Trajneri i Barcelonës ka pranuar nga ana tjetër se skuadra e tij ka bërë disa gabime që i kanë kushtuar humbjen.
“Mendoj se ka qenë një ndeshje me dy fytyra. Në pjesën e parë kemi qenë larg pritshmërive.
Në pjesën e dytë i kemi bërë më mirë detyrat, por edhe kemi gabuar. Nuk më pëlqen që gabojmë e t’i falim gola kundërshtarit.
Tani duhet të mendojmë të fitojmë takimet e ardhshme”, nënvizoi trajneri i Barcelonës.
