Kuqezinjtë janë rikthyer në stërvitje për të përgatitur ndeshjen e së shtunës pasdite kundër Romës.
Sfida vlen shumë për renditjen e si për të motivuar skuadrën, në “Milanello” kanë zbarkuar drejtuesit Maldini e Masara që kanë ndaluar për të biseduar edhe me Piolin, i cili mund të ketë informuar eprorët për situatën e të dëmtuarve.
Nëse Olivie Zhiru nuk ka probleme, krejt e kundërta mund të thuhet për Ibrën.
Nuk ka ende një komunikatë zyrtare, por dëmtimi në pulpë i marrë gjatë nxehjes në Milan-Leçe është i rëndë mjaftueshëm sa për ta privuar suedezin nga ndeshjet e mbetura deri në fund të sezonit.
Kjo situatë vendos në rrezik edhe rinovimin e tij që ka pak gjasa të konkretizohet.
