Erling Haland duket se është copëza që i ka munguar mozaikut perfekt të Pep Guardiolës gjithë këto vite.
49 golat e sulmuesit norvegjez për Manchester City këtë sezon e kanë ndihmuar skuadrën e tij që të jetë në garë për të fituar tripletën, një arritje që në Angli e kanë bërë vetëm komshinjtë e Manchester Utd.
Me fatin e kampionatit në dorën e tyre, “qytetarët” mund të fitojnë edhe Kupën FA, ndërsa në 3 qershor do të luajnë finalen e “Wembley”-t pikërisht përballë “djajve”.
Ndërsa në Ligën e Kampioneve janë favoritë dhe dy ndeshje larg finales, por më parë duhet të kapërcejnë pengesën e Realit të Madridit.
Shkrimi i historisë është vetëm 11 ndeshje larg.
