Prishtina për pesë vite sa kishte garuar në Ligën e Parë të ish Jugosllavisë, përveç që ka pasur rezultate interesante, disa herë edhe i ngjante stadiumeve të Brazilit me shikueshmëri, 35-40 mijë shikues, por ka pas raste siç ka qenë me 25 tetor të vitit 1987, vetëm 7 mijë shikues ishin në stadiumin e Prishtinës.
Arsyeja?
Rezultatet zhgënjyese.
Prishtina – Slloboda 0:3
Stadiumi i Prishtinës.
Shikues: 7.000.
Gjyqtar: Roganoviq (Zrenjanin), Bezjak (Zagreb), Kallajxhiq (Mostar).
Shënues: Kostiq (17'), Mihiq (45'), Llukiq (50').
Kartona të verdhë: Xh. Muriqi, Rama - Kostiq.
Prishtina: Zoran Lemajiq 5, Xhevdet Muriqi 5, Gani Llapashtica 5, Abdyl Bellopoja 5 (Nazmi Rama), Sllavenko Kuzeleviq 5, Muhamet Kolenoviq 5, Zoran Batroviq 5, Mensur Nexhipi 5, Vlladisllav Gjukiq 5, Fadil Muriqi 5 (Sadik Rrahmani) dhe Kujtim Shala 5.
Slloboda: Mariq, Ibriq 7, Toshiq 7 (Radovanoviq), Millanoviq 8 (Mërkiq), Vërllasheviq 8, Stegnjajiq 7, Mihiq 7, Millosheviq 7, Beshireviq 7, Llukiq 8 dhe Kostiq 9.
“Koritja më e madhe e Prishtinës”; ka qenë titulli me 26 tetor i shtojcës së sportit të “Rilindjes”.
Më 25 tetor të vitit 1987, Prishtina pësoi fiasko me rezultat 0:3 nga Slloboda e Tuzllës, në takimin e javës së 12-të.
Prishtina renditej në vend të 15-të me 10 pikë dhe Slloboda në të 6-tin me 14 sosh.
