Valencia-Villarreal ndajnë pikët në takimin e raundit të 33-të të La Liga.
Sfida u mbyll me barazimin 1-1, megjithatë të dy golat u realizuan në pjesën e dytë, pasi pjesa e parë përfundoi pa gola.
Takimi u dominua nga miqtë, të cilët gjetën rrugën drejt rrjetës në minutën e 62’ me Jackson.
Ndërsa vetëm 10 minuta më pas Valencia gjeti barazimin me Lino.
Pas këtij takimi, Valencia renditet në vend të 17-të me 34 pikë, ndërsa Villarreal renditet në vend të pestë, që është edhe pozicioni që siguron pjesëmarrjen në Europa League, në kuotën e 54 pikëve.
