Paul Pogba luajti rreth 20 minuta në fitoren 2-1 të Juventusit ndaj Lecce të mërkurën dhe La Gazzetta dello Sport thekson se francezi do të ketë një ‘rol të rëndësishëm’ sezonin e ardhshëm me Adrien Rabiot që shkon drejt një transferimi të lirë në Premier League.
Pogba ka luftuar me lëndime që nga rikthimi i tij në Allianz Stadium nga Manchester United në verën e vitit 2022, duke bërë vetëm shtatë paraqitje në të gjitha garat me Zonjën e Vjetër.
Sipas La Gazzetta dello Sport, drejtorët e Juventusit ka të ngjarë të ulen me mesfushorin francez në fund të sezonit.
Klubit nuk i pëlqeu mënyra sesi ai përballoi dëmtimin e parë të meniskut në gusht, duke vonuar operacionin dhe duke humbur pjesën e parë të sezonit. Megjithatë, ata nuk do t’i kërkojnë yllit të tyre që të shkurtojë pagën pas periudhës së tij të zgjatur mënjanë.
Pogba u vlerësua nga trajneri Massimiliano Allegri pas fitores 2-1 ndaj Lecce të mërkurën: “Për herë të parë, pashë Paulin të dukej i sigurt dhe në formë të mirë. Do ta kisha dashur të tillë që nga fillimi i sezonit, ka qenë një fushatë e mallkuar për të”, tha shefi i Bianconerëve.
Ai nuk është në gjendje të luajë 90 minuta dhe e di, por nuk ka rëndësi nëse luan 60 minuta apo 30, e rëndësishme është që ai të vazhdojë me qëndrimin që ka pasur sot dhe të jetë vendimtar”.
Sipas Gazzetta, Juventus pret që Pogba të marrë një rol udhëheqës sezonin e ardhshëm, veçanërisht duke pasur parasysh se bashkëkombasi i tij Rabiot ka të ngjarë të largohet si lojtar i lirë në qershor, me shumë oferta që vijnë nga Premier League.
Prandaj, Pogba do të ketë më shumë përgjegjësi, duke luajtur së bashku me të rinjtë Nicolò Fagioli dhe Fabio Miretti dhe Nicolò Rovella, të cilët do të kthehen nga huazimi i tij në Monza.
Por, nderkohe, ka nje fytyre te merzitur dhe eshte ajo e Di Maria-s qe gjate nderrimit doli me koken poshte pa pare fare Massimiliano Allegrin. Argjentinasi duket se ne vere nuk do te rinovoje por do te ndryshoje ambjent ose do te kthehet ne Argjentine per te mbyllur karrieren e tij.
