Me golin e shënuar ndaj West Hamit ai theu një tjetër rekord, atë të golave sezonalë në Premier League.
Erling Haaland, megjithatë, dëshmon edhe një herë se është një djalë me kokën mbi supe:
“Gjëja më e rëndësishme ishte të merrnim tri pikët për të vazhduar të jemi në garën për titull.
Padyshim që jam krenar dhe i lumtur: është një natë e veçantë dhe një moment i veçantë,” tha ai pas ndeshjes.
Shkëmbimi i rekordit me “Triplete”-n: “Unë do ta bëja.
Të gjithë e dinë se është e mundur, por ne nuk mund të mendojmë për Kupat kur Leeds na pret pas tri ditësh”.
Rekorde të reja: “Nuk e mendoj, preferoj të mos vazhdoj të flas për këtë, përndryshe do të çmendesha.
Tani shkoj në shtëpi, luaj video-lojëra, ha diçka dhe fle.
Kjo është jeta ime”.
Ndërsa Erling Haaland tashmë ka thyer rekorde të shumta, ai mund të thyejë edhe disa të tjerë deri në fund të sezonit.
Këtu janë të gjitha ato që ai mund të thyejë në Premier:
– Më shumë gola në një muaj të vetëm në Premier League: rekordi i mbajtur aktualisht nga Luis Suarez (10 gola në dhjetor 2013 me Liverpool).
– Më shumë tregolësha në një sezon të Premier League: rekord i mbajtur aktualisht nga Alan Shearer (5 tregolësha në 1995-1996 me Blackburn). Haaland është në kuotën 3.
