Në prag të gjysmëfinaleve të Champions Leagues, mesfushori i Real Madridit, Toni Kroos ka folur për sfidën me Manchester City-n.
Në konferencën e dhënë për mediet në prag të këtij takimi, Kroos theksoi se do ta kenë të vështirë në përballjen me ekipin e Guardiolës.
“Do të jetë një ndeshje e vështirë, duhet të jemi të mirë në mbrojtje ndaj një skuadre që zakonisht shënon tre ose katër gola për ndeshje.
Unë kam luajtur shumë nga këto ndeshje, i besoj përvojës sonë.
Ekipet e Guardiolës gjithmonë luajnë futbollin e tij, kjo tregon kur një ekip drejtohet nga Pep.
City me Guardiolën nuk është e lehtë të mposhtet“-tha mesfushori.
