Erling Haaland vendosi transferohet te Manchester Cityt pasi përdori një sistem pikësh për ta krahasuar me klubet e tjera që ndjekin nënshkrimin e tij.
Norvegjezi e ka pushtuar Premier Ligën që kur u transferua verën e kaluar, por nuk ishte një vendim që ai e mori lehtë.
The Times ka zbuluar se 23-vjeçari përdori një sistem pikësh për të përcaktuar klubin e tij të ri kur vendosi të largohej nga Borussia Dortmund.
Kishte një sërë klubesh të ndryshme të interesuara për golashënuesin, duke përfshirë gjigantët europianë Real Madrid dhe Barcelona.
Haaland dhe stafi i tij, i cili përbëhej nga babai i tij dhe më pas menaxheri Mino Raiola, supozohet se e renditën çdo ekip nga 1 në 10 bazuar në disa kategori të ndryshme.
Kategoritë thuhet se përfshinin konkurrencën, kapacitetin e stadiumit dhe nevojën e klubit për një sulmues.
Domosdoshmëria e Man City për një numër nëntë është ajo që i bëri ata kaq tërheqës për Haaland, duke shënuar 10/10 në atë kategori.
Në krahasim Real Madridi raportohet të ketë shënuar vetëm 5/10 për shkak të pranisë së Karim Benzema.
Është përfolur gjerësisht se Real Madridi do të rikthehet në sulm për Haaland vitin e ardhshëm pasi Benzema po i afrohet viteve të fundit të karrierës së tij.
Por Haaland thuhet se po e shijon shumë kohën e tij në Mançester, saqë duket shumë e vështirë që të tundohet nga një transferim i mundshëm në Bernabeu.
Sulmuesi i fuqishëm ka vendosur rekord pas rekord në sezonin e tij të parë në Premier League dhe aktualisht kryeson kampionatin me 35 gola në 32 ndeshje.
Citizens do të përballen me Real Madrid në gjysmëfinalet e Champions League me Haaland që pritet të luajë një rol të madh në përballjen e dyfishtë.
Skuadra e Pep Guardiola-s është në garë për një sezon historik teksa janë më afër arritjes së një Triplete të pabesueshme.
