Është hera e katërt në 10 sezonet e fundit që Partizani arrin të renditet i dyti pas 32 javësh.
Ky është një tregues se të kuqtë, që nga rikthimi në Kategorinë Superiore, kanë qenë gjithnjë aty, në krye, duke tentuar titullin kampion dhe u kualifikuar vazhdimisht në Europë.
Por nëse e shohim nga ana tjetër e monedhës, duhet të themi se në asnjërin prej tri rasteve të mëparshme, kur Partizani është renditur i dyti, nuk ka arritur të fitojë titullin në fund.
Rasti i fundit ishte me Ilir Dajën në stol në sezonin 2020-2021, kur të kuqtë humbnin titullin në një sezon tejet të ekuilibruar.
Në fund triumfonte Teuta. Dy rastet e shkuara kanë ndodhur në vitet 2015 dhe 2016, kur nën drejtimin e Andrea Agostinelit dhe Sulejman Starovës të kuqtë dështonin sërish të fitonin titullin. Këtë herë kanë një shans të madh për të thyer “tabunë”.
