Ismael Bennacer ka mbyllur sezonin. Mesfushori algjerian dëmtoi gjurin gjatë derbit ndaj Interit dhe u detyrua të largohej nga fusha në minutën e 18’.
Largimi i tij dobësoi edhe më shumë mesfushën e Milanit, repart ku kuqezinjtë vuajtën shumë përballë rivalëve të përjetshëm.
25-vjeçari do t’i nënshtrohet një ndërhyrjeje kirurgjikale dhe do të qëndrojë të paktën 3 muaj jashtë fushave. Në rastin më të mirë.
Dhimbje koke për Stefano Piolin. Trajneri i Milanit nuk do të ketë të gatshëm një ndër lojtarët më të mirë për sfidën e kthimit ndaj Interit në Champions dhe për takimet e mbetura në kampionat.
