Trajneri i West Hamit, David Moyes e ka pranuar për herë të parë që Declan Rice mund të largohet nga klubi në merkaton verore.
Rice nuk po dëshiron që ta rinovojë kontratën e tij me West Hamin, dhe thuhet se veçse e ka ndarë mendjen për tu larguar nga “Çekanët”.
Vazhdimisht kur ishte pyetur për Rice, Moyes e mohonte se ylli i skuadrës dhe kapiteni do të largoheshin këtë verë, por tani e ka pranuar se mesfushori anglez mund të largohet nga klubi këtë verë.
“Ne jemi plotësisht të vetëdijshëm se ka shumë gjasa që nuk do ta kemi këtu Declan Rice sezonin e ardhshëm. Planet tona janë ta kemi Declan, ne shpresojmë se ai qëndron, kjo është gjëja më e madhe. Ne do të dëshironim që ai të jetë një lojtar i West Hamit por jemi të vetëdijshëm që nuk mund të ndodhë kjo gjë. Ky është një skenar”, tha Moyes.
Top klubet angleze, përfshirë Arsenalin janë në pritje për çmimin final të Declan Rice, dhe më pas të provojnë të nënshkruajnë me të.
