Te Shkëndija kanë filluar me seriozitet të madh të mendojnë për garat evropiane dhe për sezonin e ardhshëm.
Në momentet kur e gjithë skuadra është në pushim, drejtuesit e kuqezinjve kanë arritur marrëveshje me mbrojtësin e Tiranës, Kristijan Toshevski
29-vjeçari Toshevski është nga Tetova dhe luan në disa pozicione të mbrojtjes, e te Shkëndija shihet si futbollist i duhur në këtë repart. Siç mësojmë, marrëveshja mes palëve është arritur dhe pritet vetëm zyrtarizimi.
Në Superligën shqiptare sezoni mbaron më 29 maj, kur edhe skadon kontrata e Toshevskit me Tiranën. Menjëherë të nesërmen Toshevski si lojtar i lirë pritet t’i bashkohet kampit kuqezi.
Toshevski gjatë karrirës së tij ka luajtur edhe për Teteksin, Pelisterin dhe Vardarin.
