Trajneri i Manchester Cityt, Pep Guardiola në një konferencë për medie, ka folur për duelin me Real Madridin.
City dhe Reali do të përballen nesër mbrëma në ‘Etihad Stadium’, në ndeshjen kthyese të gjysmëfinales së Ligës së Kampionëve.
Ndeshja e parë mes këtyre dy skuadrave ishte mbyllur baras 1-1, ndërsa skuadra finaliste do të përcaktohet në duelin e nesërme.
Tekniku spanjoll kërkon nga të besuarit e tij që të luajnë më mirë së në ndeshjen e parë të zhvilluar në ‘Bernabeu’.
“Duhet të përmirësojmë pak planin e lojës, të rregullojmë pak. Duhet të krijojmë më shumë shanse, të merrni më shumë topa në pozicione të favorshme, të mbani mend për kalimin e kundërshtarit nga mbrojtja në sulm, për cilësinë e tyre.
Ne luajmë kundër Real Madridit në gjysmëfinalen e Champions League, ky është kundërshtari më i fortë.
Kjo është një sfidë dhe ne e pranojmë. Po bëjmë shumë mirë, jemi në finalen e FA Cup, një fitore larg titullit të Premierligës, por ne duhet të luajmë më mirë se Madridi”, ka thënë Guardiola.
“Duhet të luajmë më mirë se në ‘Santiago Bernabeu’ për të arritur në finale”, ka theksuar Guardiola.
