Derbi i Milanos nuk ka histori dhe njeh vetëm një skuadër triumfuese në mënyrë bindëse në vitin 2023.
Interi ka mposhtur përsëri Milanin dhe këtë herë i ka rrëmbyer edhe finalen e Ligës së Kampioneve.
Shifrat janë të pamëshirshme me kuqezinjtë e Piolit, të cilët janë hija e vetvetes sidomos në atë që i kishte ndihmuar të shpalleshin kampionë në sezonin e kaluar, lojën ofensive.
Statistikat thonë se në katër ndeshjet e fundit derbi në të gjithë kompeticionet, Milani ka pësuar 4 humbje.
Por përveç kësaj, ajo që duhet të shqetësojë më shumë tifozët kuqezinj është se në këto 4 ndeshje, ekipi ka shënuar 0 gola përballë “kushërinjve”.
Që do të thotë se Inzagi ia ka marrë mirë dorën dhe tashmë di të ndalë çfarëdo plani që ndërton Pioli kundër ekipit të tij.
