Skuadra e Mario Balotellit, Sion është afër rënies nga kategoria.
Fantazma e një “zbritje” në kategorinë e dytë zvicerane ka shtyrë klubin të ndryshojë 4 trajnerë gjatë vitit dhe padyshim që kritikat po vijnë nga të gjitha anët.
Një nga më të kritikuarit është sigurisht ish-lojtari i Milan-it (ndër të tjera), i cili u akuzua edhe si të ishte një “zombi” në fushë, por jo vetëm…
Mario Balotelli, nga ana e tij, ka vendosur të reagojë dhe të përgënjeshtrojë ashpër të pavërtetat që shkruhen për të.
Sulmuesi italian në fakt ka publikuar një histori në Instagram duke publikuar një mesazh në Whatsapp nga mjeku i tij (ku dëshmohet arsyeja e mungesës) dhe një artikull të shkruar kundër tij me titull “Sion në emergjencë të plotë, Balotelli me pushime”.
Lojtari ka reaguar duke shkruar “Jeni të neveritshëm”, një sulm i hapur ndaj mediave që e kishin akuzuar atë padrejtësisht.
