Mesfushori turk i Interit, Hakan Calhanoglu, është shprehur i lumtur me trofeun e Kupës së Italisë.
‘Nerazurët’ mbrëmë mundën Fiorentinën (2-1), në finalen e Kupës së Italisë. Sipas Calhanoglu, skuadra e tij e ka merituar fitoren kundër skuadrës nga Firenca.
“Ne arritëm një tjetër trofe. Është i rëndësishëm për rrugëtimin tonë”, ka thënë Calhanoglu.
“Ishte vështirë kundër Fiorentinës, por në fund fituam dhe ia vlejti. Ne nuk dorëzohemi, jemi shumë të lumtur më këtë trofe”, ka theksuar ai.
Kujtojmë se Interi me 10 qershor, do të luajë finalen e madhe të Ligës së Kampionëve në Stamboll, ku do të përballet me Manchester Cityn.
