Jurgen Kohler së fundmi ka thënë se Bayern Munich bëri një gabim të madh duke shitur David Alaba te Real Madrid. Austriaku iu bashkua Los Blancos sezonin e kaluar pas një periudhe të gjatë te Bayern.
Ai luajti 431 ndeshje për bavarezët dhe madje shënoi 33 gola dhe dha 55 asiste, pavarësisht se luajti kryesisht si mbrojtës i krahut dhe qendërmbrojtës.
Nuk mund të mohohet fakti që Alaba ishte një nga lojtarët më vendimtarë të bavarezëve.
“Ishte gabimi më i madh i klubit në vitet e fundit. David Alaba nuk duhet të ishte shitur kurrë.
Ky ishte gabimi më i madh i Bayernit në vitet e fundit. Ai ishte një figurë e rëndësishme në sistem”, ka thënë ish-kampioni i botës.
“Pastaj largohet Robert Lewandowski dhe Manuel Neuer dëmtohet. Dhe për dy ose tre vjet nuk kanë pasur një numër gjashtë të vërtetë. Ky është një problem i madh në Bayern”.
Që nga transferimi i tij në kryeqytetin spanjoll, David Alaba ka marrë një rol më mbrojtës dhe zakonisht vepron si qendërmbrojtës. Ai ka bërë 84 ndeshje për Real Madridin që nga transferimi i tij, përfshirë 38 këtë sezon.
