Paulo Dybala i Romës humbi finalen e Europa League kundër Sevillas, megjithatë, asi argjentinas nuk është duke e menduar largimin nga kryeqytetasit e Italisë.
Kampioni i Botës me Argjentinën, luajti sezonin e parë tek ‘romakët’ i transferuar një vit më parë nga Juventusi.
Dybala, i cili shënoi golin e epërsisë për Romën në duel me Sevilla, ka thënë se të jesh pjesë e Romës është një nder.
“Të luash për këtë ekip nuk është thjesht një sport apo punë, por një nder”, ka thënë Dybala.
Ndryshe, sulmuesi argjentinas është duke u monitoruar nga disa klube evropiane, por lojtari preferon qëndrimin në skuadrën e Jose Mourinhos.
