Reali del me njoftim zyrtar për Eden Hazard!
Tashmë është zyrtare, Eden Hazard do të largohet nga Reali i Madridit. Lajmi është konfirmuar nga vetë klubi madrilenë nëpërmjet një postimi në faqen zyrtare, teksa bëhet me dije se palët kanë arritur një marrëveshje për largimin e belgut nga klubi që nga 30 qershori i vitit 2023.
Hazard ishte pjesë e Realit prej 4 sezonesh, ku fitoi 8 tituj (1 Champion Ligë, 1 Botëror Klubesh, 1 Superkupë Europiane, 2 Kampionate, 1 Kupë Mbreti dhe 2 Superkupa të Spanjës.
Në vijim pritet të mësohet me mjaft kuriozitet se cila do të jetë e ardhmja e yllit belg, i cili iu bashkua me shumë bujë Realit nga radhët e Çelsit, por pa mundur të lerë gjurmë, duke rezultuar një zhgënjim.
