Përforcimi i parë dhe i madh për Besën e Dobërdollit në sezonin e ri do të jetë Armend Alimi, ish-fubollisti i Rabotniçkit nga Shkupi.
Mesfushori 35-vjeçar nga Kumanova pothuajse është marrë vesh rreth kalimit të tij në këtë skuadër, por kanë mbetur vetëm disa detaje të vogla, dhe ai të nënshkruaj kontratën njëvjeçare.
Prezantimi i tij te Besa pritet të ndodh gjatë javës së ardhshme.
Alimi vjen te një klub me ambicie të mëdha, klub i cili synon elitën e futbollit maqedonas.
Gjatë karrierës së tij të gjatë, ai ka luajtur edhe për Bashkimin e Milanon e Kumanovës, Istrën nga Kroacia, Orebron e Suedisë, Ermis dhe Nea Salamis nga Qipro, Shkëndijën e Tetovës dhe së fundmi me Rabotnickin.
Përveç Alimit, Besa e ka gati edhe përforcimin tjetër Burim Sadikin nga Arsimi i Çegranit, ndërsa në plane janë edhe dy-tre super lojtarë.
Liga e dytë pritet të startojë më 12 gusht.
