Manchester City futet në histori, kampion i Evropës! Interi i pafat 

Manchester City është kampion i ri i Evropës, për herë të parë në histori të ekzistimit si klub.

Trajneri Pep Guardiola ka arritur qëllimin që e kishte para vetes me Cityn, duke e mposhtur me rezultat 1:0 Interin, në finalen që u zhvillua në stadiumin Atatürk Olimpiyat” në Stamboll.

Të pranishëm 71.412 shikues, panë një lojë të bukur sidomos në 45 minutat e dytë, një gol dhe një tërthorëse.  

Në minutën e 27-të, Erling Haaland shpërdoron një rast ideal, i cili kaloi lojtarin Bastoni por goditja e tij u ndal nga portieri Onana. 

Në minutën e 36-të Kevin de Bruyne e pa të pamundur të vijonte lojën ndaj kërkoi zëvendësimin, ndërsa në vend të tij u aktivizua Philip Foden.

Akanji në minutën e 59-të gaboi rëndë por Lautaro Martinez i vetmuar u tregua egoist dhe nga afërsia e nga këndi i vdekur ka gjuajtur në këmbë të portierit Ederson të Manchester Cityt.

Shpërthen atmosfera si vullkan në stadium në minutën e 68-të, Rodri me qetësi e në mënyrë shkollore nga rreth 14-15 metra godet dhe e lë të shtangur portierin Onana të Interit, topi futet në këndin e majtë, 1:0.

Në minutën e 71-të, Dimarco i pafat, godet me kokë por tërthorësja ia mohoi golin Interit.

Phil Foden në minutën e 78-të në pozitë ideale por gjuajtjen e tij e ka pritur portieri Onana.

Në minutën e 89-të, Romelun Lukaku nga tre metra nuk ka shënuar në portën e Manchester City, topi godet në këmbën e majtë portierin Ederson. 

Manchester City triumfon dhe feston, ndërsa Interi i Inzaghit kokulur e lëshon fushën.

Manchester City - Inter 1:0

Stadiumi "Ataturk Olimpiyat" në Stamboll.
Shikues: 71.412.

Gjyqtar: S. Marciniak (Polonia).

Shënues: Rodri (68'),

Kartona të verdhë: Haaland , Ederson - Barella, Onana.

Manchester City: Ederson, Akanji, Stones, Ruben Dias, Ake, Rodrigo, De Bruyne (Foden 36'), Gündogan, Bernardo Silva, Haaland dhe Grealish.
Interi: A. Onana, Darmian (D'Ambrosio 84'), Acerbi, Bastoni (Gosens 76'), Dumfries (Bellanova 76'), Brozoviq, Dimarco, Barella, Calhanoglu (Mkhitaryan 84'), Dzeko (Lukaku 57') dhe La. Martinez.

(E plotësuar)  - 89' Romelun Lukaku nga tre metra nuk ka shënuar në portën e Manchester City, topi goditet në këmbën e majtë portierin Ederson. . 

86' Finale që po mban në presion tifozët.

Manchester City - Inter 1:0

Stadiumi "Ataturk Olimpiyat" në Stamboll.
Shikues: 71.412.

Gjyqtar: S. Marciniak (Polonia).

Shënues: Rodri (68'),

Kartona të verdhë: Haaland , Ederson - Barella, Onana.

Manchester City: Ederson, Akanji, Stones, Ruben Dias, Ake, Rodrigo, De Bruyne (Foden 36'), Gündogan, Bernardo Silva, Haaland dhe Grealish.
Interi: A. Onana, Darmian (D'Ambrosio 84'), Acerbi, Bastoni (Gosens 76'), Dumfries (Bellanova 76'), Brozoviq, Dimarco, Barella, Calhanoglu (Mkhitaryan 84'), Dzeko (Lukaku 57') dhe La. Martinez.

83' Lojë e fortë.

81' Ndeshja po shkon drejt fundit.

78' Phil Foden në pozitë ideale por gjuajtjen e tij e ka pritur portieri Onana.

75' Interi më agresivë tani në sulm.

71' Dimarco i pafat, godet me kokë por tërthorësja ia mohoi golin Interit.68' Rodri  me qetësi e në mënyrë shkollore nga rreth 14-15 metra godet dhe e lë të shtangur Onanën e Interit, topi futet në këndin e majtë, 1:0.

64' Manchester City po has në rival të fortë.

59' Akanji gaboi rëndë por Lautaro Martinez i vetmuar u tregua egoist dhe nga afërsia e këndi i vdekur ka gjuajtur në këmbë të portierit Ederson të Manchester Cityt.

58' Interi po mbrohet me mjeshtri.

55' Nuk ka gola ende.

52' Pritet një lojë më dinamike në pjesën e dytë.48' Kevin De Bruyne u largua në minutën e 36-të për shkak të lëndimit dhe është një hendikep i madh për Cityn. 

46' Fillon pjesa e dytë.

Përfundon pjesa e parë, Manchester City - Inter 0:0.

44' Presion të dy ekipet.

40' Ngarkesë e madhe të dy ekipet.37' FInalet si gjithmonë janë të paparashikueshme.

Mesfushori belg De Bruyne la fushën i dëmtuar në përballjen kundër Interit në minutën e 36’ pas një dëmtimi të pësuar.

34' Interi është në presion.

30' City i rrezikshëm.

27' Erling Haaland shpërdoron një rast ideal, i cili kaloi lojtarin Bastoni por goditja e tij u ndal nga portieri Onana. 25' Interi po mbrohet me sukses.

22' Nuk ka gola, por një Inter mjaft i mirë.

19' Ka edhe shumë shqiptarë në stadiumin në Stamboll.

16' Interi po tregon lojë të mirë.

14' Finale e mirë!

11' Të dy ekipet po tregojnë angazhim të madh.

9' Vazhdon pa gola.6' Silva kërcënon portën e Interit.

5' Lojë me kujdes të shtuar nga të dy ekipet.

2' Atmosferë e zjarrtë.

1' Fillon ndeshja.

Futbollistët dalin në fushë.

Adriano humbet fluturimin për në Stamboll pasi mori pjesë në 3 festa të ndryshme mbrëmjen e së premtes në Rio de Zhaneiro!

Ish-sulmuesi i Interit dhe Brazilit, Adriano, i njohur gjithashtu si Perandori, do të ishte në detyrë për ESPN gjatë finales së Ligës së Kampionëve.

Por sipas burimit brazilian O Globo, ai nuk do të jetë atje sepse humbi fluturimin pas një nate jashtë.

Ai thuhet se ka marrë pjesë në tre festa të ndryshme në Rio de Zhaneiro të premten mbrëma, kjo ishte arsyeja pse ai nuk ishte në kohë në aeroport.

Bukuroshja kroate, Ivana Knoll, është kthyer në një pjesëmarrëse të rregullt në aktivitetet sportive që kur ajo filloi të shfaqej në stadiumet e Katarit gjatë Botërorit 2022.

Gara automobilizmi, tenis, NBA dhe shumë aktivitete të tjera sportive kanë parë bukuroshen kroate mes spektatorëve.

Por padyshim për të futbolli mbetet numri një dhe kështu ajo nuk mund të mungonte as në finalen e Ligës së Kampioneve.

Teksa kishte ndezur fansat me postimet e saj që dy ditë më parë në Stamboll, sot Ivana është shfaqur si gjithmonë me veshjet provokuese në stadium.

Onana karikon zikaltrit para finales

Nëse Interi është në finalen e Ligës së Kampionëve, padyshim një meritë të veçantë ka edhe portieri kamerunas Andre Onana, që me [pritjet e tij, është bërë disa herë shpëtimtar i zikaltërve.

Në prag të finales ndaj Manchester City-t, kamerunasi ka folur për mediat italiane, teksa ka deklaruar se skuadra është gati të sakrifikojë gjithçka në fushën e lojës.

“Nuk ka dyshim që kjo është ndeshja më e rëndësishme në karrierën e të gjithëve ne.

Megjithatë unë jam i qetë dhe i bindur që nëse ne bëjmë lojën tonë, mund t’ia dalim.

Tifozëve nuk mund t’u premtoj fitoren, pasi këtë e vendos fusha, por i garantoj që ne do të japim maksimumin. Jemi gati të sakrifikojmë gjithçka”, u shpreh portieri.

Pritja merr fund, publikohen formacionet zyrtare!

Manchester City dhe Interi përballen në stadiumin Ataturk të Stambollit, në finalen e madhe të Ligës së Kampionëve, kompeticionit më të rëndësishëm europian për klube.

Trajnerët Pep Guardiola dhe Simone Inzaghi kanë ndarë mendjen për formacionet që do të hedhin në fushë nga minuta e parë.

Manchester City - Inter

Manchester City: Ederson, Akanji, Stones, Ruben Dias, Ake, Rodrigo, De Bruyne, Gündogan, Bernardo Silva, Haaland dhe Grealish.
Interi: A. Onana, Darmian, Acerbi, Bastoni, Dumfries, Brozoviq, Dimarco, Barella, Calhanoglu, Dzeko dhe La. Martinez.

Edhe disa minuta na ndajnë nga fillimi i finales së madhe të Ligës së Kampionëve.

Manchester City do të ndeshet me Interin për trofeun më prestigjioz evropian,

E derisa tifozët e Interit pothuajse kanë mbushur vendet e tyre në stadium, ata të Manchester Cityt janë bllokuar në trafikun e Stambollit.

Tifozët e Manchester Cityti braktisin veturat e tyre dhe duke ecur në këmbë për në stadium.

Finalja e madhe do të luhet sonte në orën 21.00 në Stamboll.

Gjithçka është gati për sfidën e madhe. 

Guardiola i Manchester Cityt apo Inzaghi i Interit, do të dalin ballëlart?

Manchetser City - Interi

Manchester City: Ederson, Akanji, Stones, Ruben Dias, Ake, Rodrigo, De Bruyne, Gündogan, Bernardo Silva, Haaland dhe Grealish.
Interi: A. Onana, Darmian, Acerbi, Bastoni, Dumfries, Brozoviq, Dimarco, Barella, Calhanoglu, Dzeko dhe La. Martinez.