Kush pritet të jetë presidenti i ri i Monzës pas vdekjes së Berlusconit?
“Lërjani Monzën një personi me ambicie të mëdha”. Ky ka qenë një nga mesazhet e fundit të Berlusconit përpara se të ndërronte jetë.
Pas vdekjes së ish-presidentit të Milanit, Monzës i duhet një pronar i ri dhe duket se në krye pritet të vijë biznesmeni i njohur grek, Evanxhelos Marinakis.
Ai është tepër i njohur në botën e futbollit, pasi zotëron dy klube legjendare, Notinghem Forest në Angli dhe Olimpiakosin në Greqi.
Negociatat në fakt kishin filluar përpara disa muajsh, kur Berluskoni ishte ende gjallë, teksa mediat italiane theksojnë se çdo gjë pritet të përfundojë në ditët në vijim.
