Spanja fiton me penallti, kampion i Ligës së Kombeve

Spanja është kampion i ri i Ligës së Kombeve në divizionin A në futboll.

Spanjollët triumfuan me penallti me rezultat 5:4 ndaj kroatëve.

Ndeshje e luftuar që nga minuta e parë e deri në minutën e 120 në stadiumin “De Kuip” në Roterdam të Holandës.

Rastet qoftë nga njëra palë qoftë nga tjera por sulmuesit nuk e kishin mbrëmjen e tyre, ashtu siç filloi edhe përfundoi koha e rregullt.

Edhe pas vazhdimeve dy herë nga 15 minuta nuk pati fitues edhe pse Spanja u tregua shumë e rrezikshme.

Spanja përveç që përqafoi trofeun, fitoi edhe 10 milionë euro.  

Penalltitë, për Kroacinë shënuan Vllashiç, Brozoviç, Modriç, Perishiç; dështuan Majer e Petkoviç dhe për Spanjën realizuan Joselu, Rodri, Merino, Asensiom Carvajal; dështoi Laporte.

Portieri Simon me këmbë e ia mbrojti penalltinë Mayer pastaj edhe të Petkoviçit të Kroacisë,

(E plotësuar) - Mbyllet ndeshja me rezultat 0:0, penalltitë përcaktojnë fituesin.

120' MInuta e fundit e vazhdimeve.

119' Kush do ta fitojë LIgën e Kombeve?

118' Presion i madh të dy kombëtaret.

117' Me gjasë ndeshej po shkon në penallti.

finalja me Spanjën shkon në shtesë

Si të gjitha finalet, Kroaci – Spanjë nisi si një lojë shahu, pa shumë argëtim. Nga njëra anë Perisic e nga ana tjetër tjetër Gavi u përpoqen të ndryshonin rrjedhën e lojës, por pa mundur të shënojnë gjatë pjesës së parë.

Kramaric do ta gjente veten përballë Unai Simon, pas një vrapimi në kufirin e pozicionit jashtë loje, por gabon përballë portierit kundërshtar.

Kroacia, në fakt, gjatë fraksionit hapës ishte më dominuese në lojë dhe pati më shumë goditje në portë.

Kështu pjesa e parë, që ishte më shumë taktike, u mbyll me rrjeta të paprekura.

Edhe pjesa e dytë nis më mirë për Kroacinë, që nuk arrin të shfrytëzojë si duhet një gabim në dalje të Unai Simon në të 51-tën.

Asensio u kundërpërgjigj me kokë në të 57-tën, me topin që shkoi paksa mbi tra.

Rastin më ideal në pjesën e dytë e pati Ansu Fati, në minutën e 84-t, me Perisicin që bën shpëtimtarin mbi vijën fatale.

Pak sekonda para se të mbyllej koha e rregullt, Asensio shkakton drithërima në portën e Livakovic, por topi shkon jashtë.

Gjithçka është gati.

Kroacia - Spanja

Stadiumi “De Kuip” në Roterdam.
Gjyqtar: F. Zwayer (Gjermania).
Kroacia: Livakoviç, Juranoviq, J. Sutalo, Erliç, Perishiq, Modriç, Brozoviç, Kovaçiq, Pashaliq, Kramariç dhe Ivanushec.
Spanja: Unai Simon, Jesus Navas, Le Normand, Laporte, Jordi Alba, Rodrigo, Fabian, Asensio, Gavi, Yeremy dhe Morata.
 

Luis de la Fuente dhe Zlatko Dalic zbardhin formacionet e finales së edicionit të tretë të Nations League, Spanjë Kroaci, që do të luhet në stadium “De Kuip” të Rotterdam.

Të dy trajnerët kanë zgjedhur formacionin më të mirë të mundshëm, pasi nuk kanë pasur mungesa për arsye dëmtimesh.

Spanja, për të cilën është finalja e dytë e Nations League, ka një avantazh sa i përket gjendjes fizike, pasi e kaloi Italianë brenda kohës së rregullt, ndërsa Kroacisë iu deshën 120 minuta lojë për të eliminuar Holandën.

Në majë të sulmit, De la Fuente ka vebdosur Alvaro Moratën, i mbështetur nga Asensio e Pino nga krahët, ndërsa kroatët luajnë me tredhëmbëshin Pasalic-Kramaric-Ivanusec.

Kroacia dhe Spanja do të përballen në orën 20:45 në finalen e Ligës së Kombeve.

Finalja e madhe do të luhet në stadiumin “De Kuip” në Roterdam.

Të dyja ekipet do të kërkojnë për herë të parë këtë trofe. Për iberikët është finalja e dytë pasi 2 vite më parë u mund nga Franca me rezultatin 2-1.

Nga ana tjetër, Kroacia do të kërkojë trofeun e parë ndërkombëtar.

Kroacia dhe Spanja do të luftojnë për titullin e kampionit në Ligën e Kombeve në Divizionin A. 

Futbollistët e të dy kombëtareve janë mirë të përgatitur për finalen e madhe.

Cila dot ë fitojë finalen në Roterdam të Holandës?

Kroacia - Spanja

Stadiumi “De Kuip” në Roterdam.
Gjyqtar: F. Zwayer (Gjermania).
Kroacia: Livakoviç, Juranoviq, J. Sutalo, Erliç, Perishiq, Modriç, Brozoviç, Kovaçiq, Pashaliq, Kramariç dhe Ivanushec.
Spanja: Unai Simon, Jesus Navas, Le Normand, Laporte, Jordi Alba, Rodrigo, Fabian, Asensio, Gavi, Yeremy dhe Morata.